Loading Time...
మెనూ

News App

వార్తల కోసం యాప్ ఇన్‌స్టాల్ చేసుకోండి

తల్లిని ఇంట్లో నుండి గెంటేసిన కుమారులు

Author
Posted By Telangana Vaartha
| 14 Nov 2026, 12:20 AM | తాజావార్తలు Flash News
తల్లిని ఇంట్లో నుండి గెంటేసిన కుమారులు

వయోవృద్ధుల దినోత్సవం రోజే తల్లికి అవమానం
సూర్యాపేట: వయోవృద్ధుల దినోత్సవం రోజే ఓ తల్లికి తీరని అవమానం జరిగింది. పిల్లలను అల్లారు ముద్దుగా పెంచి, పెద్ద చేసి పెళ్లిళ్లు చేసిన తల్లికి చివరకు వీధిన పడే పరిస్థితి వచ్చింది. సూర్యాపేట జిల్లా కేంద్రం 15వ వార్డుకు చెందిన తాడూరి నర్సమ్మ, చంద్రయ్య దంపతులకు ఇద్దరు కుమారులు, ముగ్గురు కుమార్తెలు ఉన్నారు. అందరికీ పెళ్లిళ్లు అయ్యాయి. వీరికి సొంత ఇల్లు కూడా లేదు. 9 సంవత్సరాల క్రితం చంద్రయ్య అనారోగ్యంతో మృతి చెందారు.
అప్పటి నుండి కుమారుల ఇళ్లలోనే ఉంటున్న నర్సమ్మను శుక్రవారం ఇంటి నుండి గెంటేసినట్లు బాధితురాలు తెలిపారు. వీధిన పడిన నర్సమ్మను చూసి స్థానికులు కంటతడి పెట్టారు. స్థానికులే ఉదయం టిఫిన్, మధ్యాహ్నం భోజనం ఏర్పాటు చేశారు. ప్రస్తుతం ఆమె వీధి అరుగుపై కాలం గడుపుతున్నారు. అధికారులు స్పందించి తనను అనాధాశ్రమానికి పంపించాలని నర్సమ్మ, స్థానికులు కోరుతున్నారు. ఇలాంటి ఘటనలపై కఠిన చర్యలు తీసుకుంటేనే పునరావృతం కావని స్థానికులు అంటున్నారు.

వార్తల అలర్ట్స్ పొందండి!

లేటెస్ట్ బ్రేకింగ్ న్యూస్, అప్‌డేట్స్ నేరుగా మీ ఇమెయిల్‌కి పొందడానికి ఇప్పుడే సబ్‌స్క్రైబ్ చేసుకోండి.