హైదరాబాద్లో రాహుల్ గాంధీ పర్యటన.. గిగ్ వర్కర్ల సంక్షేమ పథకం ప్రారంభం
ఈ సందర్భంగా హైదరాబాద్లోని జయభేరి గ్రౌండ్స్లో తెలంగాణ గిగ్ వర్కర్ల సామాజిక భద్రత, సంక్షేమ పథకాన్ని ప్రారంభించారు. డెలివరీ సిబ్బంది, క్యాబ్ డ్రైవర్లు తదితర గిగ్ వర్కర్లకు సామాజిక భద్రత కల్పించడం ఈ పథకం ప్రధాన ఉద్దేశం.
అంతకుముందు గిగ్ వర్కర్ల ఆధ్వర్యంలో నిర్వహించిన బైక్ ర్యాలీలో రాహుల్ గాంధీ పాల్గొన్నారు. ముఖ్యమంత్రి రేవంత్ రెడ్డి సైతం ఈ కార్యక్రమంలో పాల్గొని గిగ్ వర్కర్లకు మద్దతు తెలిపారు.
అనంతరం హైదరాబాద్లో జరుగుతున్న భారత్ సమ్మిట్ ముగింపు సమావేశంలో రాహుల్ గాంధీ పాల్గొని ప్రసంగించనున్నారు.
గిగ్ వర్కర్ల సంక్షేమం, వారి హక్కులు, సామాజిక భద్రత అంశాలు ఈ పర్యటనలో ప్రధాన ఆకర్షణగా నిలిచాయి.